Топ 5 апликации за задржување на фокусот при кодирање од дома - Code Academy
Топ 5 апликации за задржување на фокусот при кодирање од дома

Иако идејата за работење било кога и било каде (вклучувајќи и работа од дома) е атрактивна за повеќето луѓе. Но, сепак мора да се признае дека не е едноставен предизвик.


Од патот преку кој пристигнуваме на работа до разговор со колегите пред започнување на работното време, сите имаме одредена рутина по која се придржуваме (можеби дури и потсвесно).


Поради моменталната ситуација во нашата земја и поради кршењето на таа рутина, тешко е да се фокусираме во текот на целиот ден. Нашето внимание може да биде одземено од едноставни работи како времето надвор, мирисот на ручекот, звукот на телефонот кога ќе добиеме нова нотификација на Instagram или Snapchat.


Ова е поддржано од истражувањата кои покажуваат дека младите имаат просечно внимание од 8 секунди.


За таа цел, ќе ги разгледаме најдобрите апликации кои ќе ти помогнат да се фокусираш на кодирањето во текот на целиот ден.


Да започнеме.



Hocus Focus


Оваа апликација е наменета за сите кои имаат отворено повеќе од 10 непотребни tab-ови и кои кодираат во исто време. Hocus Focus ги крие оние tab-ови кои не ги користиш по одредено време. Тоа значи дека ќе гледаш само еден таб и нема да го насочуваш твоето внимание помеѓу неколку задачи.


Можеш да поставиш лимит за секоја апликација која ќе ја инсталираш на твојот лаптоп и истите автоматски да се исклучат кога нема да ги користиш.

Hocus Focus Automatically Hides Inactive Windows Исто така, оваа апликација е флексибилна во однос на твоите потреби.

На пример, доколку вниманието ти го одзема Slack додека кодираш, апликацијата ќе го препознае тоа и ќе го скрие Slack од твоите tab-ови.



Forest


Forest има интересен и уникартен концепт преку кој можеш да видиш колку концентрација си оддржал/а на одреден проект, и тоа на визуелен начин. Целта на оваа апликација е да садиш дрвја и да останеш фокусиран/а во исто време.


Колку подолго ја оддржиш концентрацијата, толку повеќе дрвото расте. Но, ако се дефокусираш и ја исклучиш апликацијата, твоето дрво умира.


Со текот на времето, можеш да отклучиш нови типови на дрвја и achievements кои ќе ти помогнат да ја зголемиш твојата шума.

Forest is a useful app that helps you go phone-free by inspiring ...

Исто така, постои и функција преку која можеш да садиш дрвја заедно со твоите колеги. Преку оваа функција, ако се дефокусираш и ја исклучиш апликацијата, сите дрвја (заедно со тие на твоите колеги) ќе овенат. 


Врз сè ова, можеш да ставиш одредени веб страници на “blacklist” доколку премногу ти го одземаат вниманието, а други во “whitelist” доколку ти се потребни за работа.


Оваа апликација нуди уникатен, интерактивен и забавен начин на оддржување на фокусот кон твојот код.



Mindful Browsing


Живееме во динамично и понекогаш хаотично време.


Во еден миг ја сетираш база на подаци, а следниот разгледуваш слики од пријатели на Instagram, што може да трае со часови. Токму поради ова е креирана следниов plugin, Mindful Browsing.


Можеш да го поврзeш со  Google Chromе, да ги внезеш веб страниците кои те дефокусираат и да истакнеш што би правел/ла за разлика од користење на истите.


На селектираните страници ќе ти се појави pop-up и ќе праша: Дали навистина сакаш да го потрошиш твоето време на таа страница?

Едноставно, но ефективно.


Motion


Уште еден корисен plugin за Google Chrome е Motion, кој те известува доколку посетуваш некоја веб страница која те дефокусира, преку едноставен pop-up.


Во тој момент имаш две опции: Да го исклучиш pop-up-от или да продолжиш да ја користиш веб-страницата. Во случај на втората опција, се вклучува одбројување од една минута. Со помош на овој plugin, можеш да користиш одредени веб апликации, но во одреден временски период.

Исто така, можеш да креираш и сесии за фокусирање. Креираш задача, поставуваш определено време, а потоа тие информации се појавуваат на сите веб страници кои ќе ги отвориш. Оваа алатка ќе ти помогне почесто да се потсетуваш дека треба да кодираш. Секој ден добиваш извештај на твоите активности од претходниот ден. На тој начин можеш да ги обележиш оние страници на кои поминуваш премногу време.

Noisli

Последната апликацијата на нашата листа е Noisli.


Оваа апликација е создадена поради фактот што одредени амбиентални звуци им помагаат на некои луѓе да се фокусираат и продлабочат во работата.


Бидејќи создавање на вистинската атмосфера околу твоето работење е многу битно за да останеш фокусиран/на и креативен/на.

Best sleep apps for iPhone: Sleep Cycle, Noisli, Recharge, and ...

Можеш да создадеш твој, персонализиран микс на звуци, сè со цел да ја креираш совршената атмосфера на работа и фокусирање на кодот.


Исто така, можеш да поставиш часовник за да ги поделиш работата и одморот на блокови во текот на денот. Ова се покажало како причина за постепено зголемување на продуктивноста во текот на денот.



Заклучок

Оддржување на фокусот е тешко, особено кога се работи за нешто комплексно како кодирање. 


Затоа ги истакнавме овие апликации и plugin-и како најдобри во светот за да ти го задржат вниманието во кодот, во текот на целиот ден.


И доколку си инспириран/а да започнеш нешто ново во твојот живот, тогаш кодирањето е токму за тебе. Оваа професија нема да прекине да биде барана во идинина и ИТ секторот продолжува да расте, и покрај моменталната ситуација.


На ова укажува фактот што компании како Google и Facebook сè уште ги оддржуваат своите огласи за вработување на Full-Stack програмери. 


Иако е многу тешко да се вработиш во една таква компанија, сепак има други локални и интернационални компании кои би дале сè да те имаат, доколку имаш програмерски вештини.


Се прашуваш каде да започнеш? Едноставно е, КЛИКНИ ТУКА и започни ја твојата нова кариера во ИТ секторот.


И се читаме во следната статија.