Како научив да кодирам без претходни предзнаења, преку работа на реални проекти - Code Academy
Како научив да кодирам без претходни предзнаења, преку работа на реални проекти

Иако немав претходно предзнаење, целосно се посветив на програмирањето и по неколку месеци по завршувањето на Академијата започнав со работа во CodeWell, истакна Андреј Ќосевски, еден од најдобрите студенти на Android Академијата во Code Academy.


Разговаравме за неговото искуство како дел од Code Academy, проекти на кои работел како и процесот низ кој помина, се до вработувањето во ИТ компанија во нашата земја.



Што те привлече да се запишеш на Аndroid Академијата во склоп на Code Academy?


За почеток имав голем интерес за креирање и користење на тоа што денес технологиите ни го нудат. Таа пасија кон технологијата се повеќе ми се развиваше со текот на годините и беше една од причините зошто се насочив кон програмирањето во склоп на Code Academy.


Ги истражив сите Академиите за програмирање и неколку месеци по завршување на факултет, одлучив да се запишам на Android Академијата на Code Academy.



Како слушна за Code Academy?


За Code Academy слушнав на социјалните мрежи, а добив и препорака од другар кој беше дел од Академијата за веб програмирање. Програмата ми изгледаше интересна кога правев истражување и така се одлучив за Code Academy.



Дали имаше предзнаење во програмирање?


Како и многу други студенти, па така и јас немав предзнаење кога започнував на Code Academy. Но, тоа допринесе да работам повеќе и да вложам што е можно повеќе време и труд. Иако learning curve-от во програмирањето е прилично стрмен, сепак многу важен е тој иницијален напор за да се совладаат основите.



Како изгледаше целиот процес на предавања, менторство и работа на проекти?


Особено бев презадоволен од нашиот ментор Елведин Селимовски, бидејќи навистина се истакна како одличен ментор и програмер. Тој се запозна со нас како студенти, нашите предности/слабости како и нашиот “стил на учење”. Според тоа, успеа да го спроведе изучувањето на програмата на најефикасен начин.


Благодарение на него и неговиот пристап, совладавме дури и многу повеќе од тоа што беше замислено.



Каков тип на проекти изработи во склоп на Академијата?


Сите проекти и апликации кои ги изработивме за мене имаа многу конкретна цел, односно да го исполнам моето резиме со апликации кои навистина ми беа интересни за градење и да ги усовршам Java и Kotlin како програмски јазици. Работевме на различни проекти во однос на големина, комплексност од градење на игри до квизови. 


Како една од поинтересните би ја истакнал апликацијата која ја градевме во соработка со EVN, односно за изложбениот центар на Матка.


Уште еден интерсен проект на кој работев во тим со уште еден студент е апликација како хибрид на систем за менаџирање со task-ови, со приватен и групен chat, односно комбинација на Slack, Trello, и Google Calendar. 


Сите проекти кои ги изработив се прикачени на мојот GitHub профил, и истите можете да го разгледате ТУКА.



Каде работиш моментално?


Со помош на HR менаџерот на Академијата, Маријана Иловска, се вработив во CodeWell.


Сакам да напоменам дека многу ми помогна подготовката од страна на Маријана во однос на моето CV (кои се клучните точки на кои сакавме да ставиме акцент и двајцата, со оглед на тоа дека ИТ компаниите имаат увид дека претходно сум немал никаков ИТ бекграунд).


Благодарение на Маријана, укажувавме на тоа кои се нашите предности/ слабости од професионален аспект и врз основа на тоа во која ИТ компанија би биле попродуктивни, Маријана не поврзува и не предлага во тие компании.



За крај, дали би сакал нешто да додадеш?


За сите што сакаат да почнат со изучување на програмирање најважна е упорноста и посветувањето на многу време и труд, бидејќи без тоа нема да има резултат. 


Благодарен сум на Code Academy за укажаната можност. Секој оној кој сака да започне со изучување на програмирање да не се двоуми и да го превземе првиот чекор!


Thank you, Andrej, and keep up the great work!