Медениот пат до успехот: Запознај го Никола и неговиот Airbnb за пчеларство! - Code Academy
Медениот пат до успехот: Запознај го Никола и неговиот Airbnb за пчеларство!

“Иако пчеларам веќе осум години, благодарение на целиот тим на Code Academy, кај мене се разви пасијата и љубовта кон програмирањето.”- тоа беше изјавата на Никола Симуноски додека ја раскажуваше неговата приказна за неговите почетоци.



Која е твојата приказна Никола?


Здраво, јас сум Никола Симуноски имам 34 години, татко сум на три прекрасни мали дечиња и сопруг на жена на која и се восхитувам за истрајноста и пожртвуваноста во секој аспект да ги поддржува сите мои радикални и авантуристички одлуки (верувајте, не е лесно). 


Воедно сум голем љубител на пчелите, односно пчеларам веќе осма година, а како најново на професионален план на пракса сум како backend developer во ИТ компанијата CodeWell. Мојата цел е да ги развивам и подобрувам моите технички вештини преку инвестирање на многу труд, учење и посветеност во оваа сфера.



Зошто се одлучи да учиш да програмираш?


После враќањето од работен ангажман во Хрватска, бев решен да започнам со моја професионална преквалификација во професија која што нуди можност за постојано учење и надоградување, а притоа да имам можност да работам на нови предизвици. 


Затоа и одлуката за мојата идна професија беше да ги изберам информатичките технологии. Во тој период на социјалните мрежи видов отворен повик за уписи на новата генерација на студенти во Code Academy, при што аплицирав и бев повикан на селективно интервју. 


Во разговорот со тимот увидов дека можеби и баш тие ќе бидат правиот избор за мојата подготовка за новата професија како и да ја создадам апликацијата од моите соништа - Beekeeper.



Што е Beekeeping и како дојде до идејата?


Beekeeping е апликација која има за цел да им помогне на пчеларите полесно и поорганизирано да водат евиденција за секое едно пчелно семејство како и за останатите аспекти во пчеларењето. Во една пчелна кошница има од 45,000 до 70,000 пчели, која може да се визуелизира како еден огромен облакодер со илјадници станови па софтверот би бил сличен како Airbnb - само за пчели.


Сигурно ви е познато дека пчелите умираат во рекордни бројки поради разни пестициди, додека урбанизацијата им ги намалува местата за живеење и бројот на диви цвеќиња за полинација. Предвидено е глобалната популација да достигне 9.8 милјарди жители до 2050 година и побарувачката за производство на храна ќе се зголеми за 56%. Ова ќе биде доста тешко да се постигне без доволен број на пчели, без кои е невозможна полинација на агрокултури. Поради ова сакам да помогнам.

Уписите за Full-Stack .NET Академијата се во тек!  
Аплицирај тука



Кој главен проблем ќе решиш со софтверот?


Beekeeping ќе овозможи многу значајно упростување на работата на пчеларите. Огромен проблем претставува евиденцијата на секој сандак од пчели посебно. Секој сандак бара детална анализа и собирање на многу податоци кои секојдневно треба да се регистрираат (болести на пчели, мониторинг на матицата, тежина на сандак, терапии на пчели, однесување и др.). 


Една колонија е комплексна единица составена од илјадници пчели. Софистицираните однесувања што се случуваат на ниво на еден сандак не се секогаш забележливи при инспекција. Поради тоа, потребно е детално водење на евиденција на истото.


Мојот софтвер ќе овозможи, меѓу повеќето функционалности, и визуелен приказ на секој сандак во вид на график, со цел навремено да се увиди можен проблем и да се дејствува во најбрз рок. Целта ми е да ги заменам сите тие хартии и долги процеси на евиденција со неколку клика на Beekeeper. 



Епа најбитното прашање, кога ќе го лансираш Beekeeper?


Моментално сам работам но во план ми е да се приклучат неколку колеги за frontend развојот бидејќи ќе има доста работа во тој дел. Планирам Bееkeeper да го лансирам за околу 8-12 месеци. Исто така, имам желба да аплицирам за финансиска поддршка за да ми помогне за трошоците за развој како и за глобален раст. 



Ајде сега за Академијата... опиши ни го твоето искуство како дел од процесот на предавања, ментори, тим, итн.


Во текот на стекнување на програмерските вештини во Code Academy имав прилика и задоволство да ми предаваат неколку ментори за различни тематски единици и дефинитивно тврдам дека сите до еден беа врвни и максимално посветени.


Сите беа транспарентни и отворени кон нас и надвор од предавањата. Имавме постојана комуникација во однос на прашања и проблеми поврзани со она што го изучуваме. 


Показател е тоа што и денеска, долго време по завршувањето во Академијата сум во близок однос со менторите и останатите студенти. Голем дел од заслугата за мојата професионална трансформација им ја препишувам токму на менторите.



Што најмногу ти се допадна?


Без двоумење, пивото што го пиевме со колегите и менторите во локалите по завршувањето на предавањата.


Покрај тоа, буквално целокупниот амбиент, дружбата со колегите и останатите во Академијата. Особено ми се допадна фактот што дружбата и професионалниот пристап за време на предавањата беа совршено избалансирани.

Уписите за Full-Stack .NET Академијата се во тек!  
Аплицирај тука



На каков тип на проекти работеше?


Работевме на повеќе вежби и проекти како за време на предавањата така и во деновите кога немавме предавања. Најчесто рокот за изработување ни беше до наредното предавање. За време на викендите се организираа и работилници.


Од проектите на кои работев индивидуално би го издвоил завршниот проект за backend модулот, односно апликација наречена Beekeeping. Апликацијата има за цел да им помогне на пчеларите полесно и поорганизирано да водат евиденција за секое едно пчелно семејство како и за останатите аспекти во пчеларењето. 


Апликацијата, иако моментално не е целосно функционална, направив детален план за да ја реализирам во целост во иднина, со многу повеќе функционалности.



Како помина на кариерниот тренинг?


Со самото завршување на Академијата, бев свесен дека добивањето на прилика за прво работно искуство или пракса ќе биде пропратено со многу посветеност и подготовки за интервјуа, како и продолжување на мојата професионална надоградба, без притоа да се демотивирам. 


Многу ми помогна посветеноста на Маријана HR Consultant-от во Code Academy, на која сум и искрено благодарен. Со нејзина помош и напорна работа проследена со еден на еден подготовка на симулирани интервјуа, работа на подобрување на soft skills,  преговори и слично, успеавме да ја оствариме нашата цел, а тоа е мојот прв професионален ангажман, како дел од ИТ компанијата CodeWell.


Моментално сум на три месечна пракса каде што имам можност да работам на проект во кој изучувам и нови програмски јазици и алатки и покрај тие што ги изучував на Академијата. 


Презадоволен сум во однос на мојата интеграција како дел од луѓето кои веќе се вработени во компанијата меѓу кои и други студенти од Code Academy, прогресот кој што можам да го забележам секојдневно кај себеси, како и можноста за постојано професионално надоградување.



Која е твојата порака до сите кои размислуваат за тоа дали да тргнат по твојот пат?


Искрено поаѓам од фактот дека штом на мои 34 години решив да променам професија токму во информатичките технологии, на сите оние кои се двоумат дали е вистински момент да започнат со изучување на програмирање, би им рекол тоа да го направат уште денес! 


Никогаш не е доцна и со максимално вложување во изучување на технологиите кои што ќе ги изберат, упорноста, посветеноста и секако изборот каде да ги изучуваат тие технологии и помошта која ја добиваат успехот е загарантиран.

Уписите за Full-Stack .NET Академијата се во тек!  
Аплицирај тука