Топ 10 игри кои веднаш ќе ги подобрат твоите програмерски вештини! - Code Academy
Топ 10 игри кои веднаш ќе ги подобрат твоите програмерски вештини!

Едни од најбитните нешта кои секој иден програмер мора да ги направи уште од самиот почеток е всушност да ја одбере вистинската насока. Насока која ќе му помогне да ја постигне својата цел (да стане full-stack програмер) на најефективен и најинтересен начин.


Секако, постојат многу опции.


Академии, е-книги, онлајн курсеви и игри, итн..


Веројатно се прашуваш: “Игри? Како можат игри да ми помогнат да ги подобрам моите програмерски вештини?”


Денес, токму тоа ќе го споделам со тебе.


Бидејќи игрите се интересна варијатна преку која можеш да научиш да кодираш на забавен начин.


Исто така, мора да се напомене дека иако овие игри најверојатно нема да те научат сè што е потребно за програмирањето, сепак тие се одличен начин за вежбање на твоите вештини.


Овие 10 игри се најдобрите во светот, според позитивниот feedback коишто тие ги добиле од страна на илјадници задоволни корисници.


Да започнеме со листата.



CSS Diner


За ја започнуваме оваа листа со основниот јазик, кој секој програмер мора да го научи, CSS.


CSS Diner овозможува на едноставен и интересен начин да научиш CSS. Играта има 32 нивоа коишто ќе те научат како функционираат “CSS selectors”.


Секое наредно ниво е покомплицирано од претхнодното и се надоврзува на тоа што веќе си го научил во претходните нивоа.


Исто така, оваа игра е бесплатна, како и останатите на оваа листа.



Code Monkey


Следнава игра е општо прифатена за една од најдобрите програмерски игри, насочена повеќе кон деца, иако е забавна и за возрасни. 


Code Monkey им дава можност на своите студенти не само да ги научат основните вештини за кодирање, туку и да научат како да кодираат во вистински програмски јазици како CoffeeScript и Python. 


Тие го овозможуваат тоа преку нивните нивоа: Coding Adventure, Banana Tales, Beaver Achiever, итн.


Преку кодирање, децата ќе развијат критично размислување, разум и логика, кои се потребни вештини за во иднина. 


CodeMonkey е игра која ги учи своите студенти како да креираат своја игра во HTML5.


Со повеќе награди во сферата на кодирањето, заедно со многу задоволни клиенти, дефинитивно може да кажеме дека Code Monkey е една од подобрите игри во светот.



CodinGame


Една од подинамичните игри на оваа листа е токму следнава, CodinGame.


Оваа бесплатна игра е направена со цел да им овозможи на своите студенти да изучуваат повеќе од 25 програмски јазици, влучувајќи ги и JavaScript, Ruby и PHP преку забавни и интерактивни игри.


Преку решавање на интересни предизвици, ќе откриеш нови јазици, алгоритми и трикови коишто ќе ти помогнат да ги развиеш твоите кодерски вештини за само неколку часови.


Секако, оваа игра е прецизно изградена од врвни девелопери, а секој од нив е експерт во еден или повеќе од 25+ програмски јазици.


Една интересна работа во врска со CodinGame е дека исто така имаат и растечка заедница на програмери коишто се поврзани со неа или како играчи или како надоградувачи на платформата.


Заедница каде што можеш да ги споредиш твоите резултати со оние на најдобрите програмери во светот. 


Најбитна работа во врска со CodinGame е тоа што ти овозможува да играш со пријатели и колеги, како и можноста да се пријавиш на светски кодерски натпреварувања.


И според форумите во врска со оваа игра, можеме да приметиме дека е општо прифена како една од најдобрите игри во програмерскиот свет.



CodeCombat


Оваа игра е насочена кон студенти и професори, но секако може секој да ја игра.


Преку CodeCombat, студентите ги подобруваат своите вештини во програмските јазици Python и JavaScript, додека играат интересни и информативни игри.


Една од подобрите игри каде што студенти пишуваат вистински код и ги гледаат своите анимирани ликови како веднаш реагираат на нивниот код.


Оваа програма за компјутерски науки се стреми кон интеракција со своите студенти за продлабочување на пасијата за кодирање. Исто така, ги охрабрува сите професори да предаваат кодирање преку покажување на вистински примери, и да ги испирира сите студенти да креираат што е можно подобра програма.


Преку оваа игра, професорите имаат можност:


● Да промовираат изучување на програмирање преку проекти

● Да ги следат сите продатоци за своите студенти преку персонализиран control panel

● Да креираат персонализирани упатства и доделување на задачи на поединечни студенти

● Да ги следат и адаптираат кон нивоата за изучување програмирање на секој поединечен студент

Преку овие игри, корисниците се охрабруваат на процесот “trail and error”, како и да размислуваат критички и да ја развијат својата креативност.


Откако ќе заврши овој процес, студентите ги користат своите нови вештини преку градење на игри и веб-страници во склоп на поединечни проекти.


Секое ниво на CodeCombat е оптимизирано да се адаптира на секој поединечен корисник. За тие студенти кои се имаат некој проблем со својот кодот, оваа игра нуди и нивоа за вежбање како и корисни трикови.


Дефинитивно една од подобрите игри моментално во светот.



Ruby Warrior


Следна игра на нашата листа е насочена кон сите студенти кои го изучуваат (или сакаат да го научат) Ruby, а таа е Ruby Warrior.


Оваа игра е дизајнирана на забавен и интерактивен начин преку изучување на прорамскиот јазик Ruby и вештачка интелигенција.


Проект направен од Bloc, Ruby Warrior е насочена кон луѓе кои сакаат да ја задржат својата сегашна работа, да научат како да кодираат и да станат успешни Full-Stack програмери.


Во текот на оваа игра, креираш воин кој се обидува да се качи на кула и да стигне до скапоцениот “Ruby” на највисокото ниво. На секое ниво треба да напишеш код со кој го насочуваш твојот воин да се бори со непријатели, спаси заробеници и да стигне до скалите, кои водат до следното ниво.


Мора однапред да му дадеш на твојот воин доволно вештачка интелигенција за да може да се снајде во текот на нивоата. Ако сакаш да го научиш програмскиот јазик Ruby, тогаш Ruby Warrior е вистинската игра за тебе.


Постојат две нивоа на комплексност од почетокот на играта: за почетници и оние со претходно знаење. Нивоата на почетокот се лесни и постепено стануваат покомплицирани и потешки.


За да го зачуваш твојот напредок во играта, ќе мора да се логираш преку Facebook.



Flexbox Defense


Следно, слетуваме на играта која e одличен начин како да ги извежбаш твоите CSS вештини, Flexbox Defense. Базирана врз основа на класичните игри со одбрамбени кули, со клучната разлика на поставување на елементи со CSS.


Во оваа игра, поставуваш кули во одредена позиција по текот на патеката и ја браниш истата од бранови на непријатели. Постојат 12 нивоа, секое покомплицирано од претходното.


Оваа онлајн апликација ќе те научи како да го користиш Flexbox Layout Module-от на најзабавен начин.


Flexbox го поедностави процесот на модифицирање елементи по хоризонтална и вертикална оска преку редови и колони.


Елементите се поставуваат (или “flex”-аат) во различни димензии за да го пополнат просторот, правејќи го респонзивниот дизајн многу полесен за манипулирање.


За совладување на оваа игра, потребно е и совладување на Flexbox терминологијата:

● Main-axis

● Main-start / main-end

● Main size

● Cross axis

● Cross-start / cross-end

● Cross size

CSS flexbox е одлична опција кога се работи за општиот распоред на твојата веб-страница или апликација. Лесен за изучување и не треба многу долго за да се разберат основите.


И според позитивните оцени коишто ги добива оваа игра на product hunt, можеме да заклучиме дека е Flexbox Defense заслужува да биде на оваа ексклузивна листа.



Flexbox Froggy


Уште една игра наменета да ги надгради твоите CSS и HTML способности, Flexbox Froggy. 


Игра која што црпи инспирација од други популарни игри како “Frogger”, “CSS Diner” и “Erase All Kittens”. Ќе ги учиш истите комнади коишто се применуваат и во Flexbox Defence.


Мора да ги вратиш жабите дома, преку користење на CSS flexbox инструкциите.


За таа цел, мора да се имаат на ум поставувањето на елеметите и просторот меѓу нив на веб-страницата.


Почнуваш од ниво 1 и полека се движиш низ 24 различни нивоа, додека изучуваш за многуте аспекти на Flexbox ориентацијата.


Почетните нивоа се и полесни, каде што играта бара од тебе да поставиш една или две жаби во еден сад. Задачите стануваат потешки после 10тото ниво.


Едни од најбитните и основни вредности коишто ќе ги научиш преку оваа игра се:

● Flex-start

● Flex-end

● Space-between

● Space-around

Flexbox Froggy е дефинитивно една од подобрите игри доколку сакаш да ги усовршиш твоите CSS вештини. Таа е бесплатна, многу забавна и едукативна.


Ако си програмер на било какво ниво, мора да ја пробаш оваа апликација.


Признавам дека постанување на жави нема веднаш да те направи господар на flexbox. Но, овие задачи се направени за да те зближат до flexbox синтаксата за да се чуствуваш поудобно работејќи со вистински код.


За започнување и усовршување на твоите програмерски вештини, постои друго решение.



Code Hunt


Следна игра на нашата листа е Codе Hunt, платформа со повеќе од 140,000 активни играчи во предходната година. Платформа која е посветена на натпреварувања за кодирање и вежбање на програмерски вештини.


Codе Hunt работи по принципот на давање одредена загатка на корисникот, без притоа да пронуди дополнителни информации.


Твоја задача е да ја откриеш скицата на проблемот а потоа да го напишеш кодот.


Во текот на последните неколку години, оваа игра стана многу популарна и во моментот има светско натпреварување каде што кандидатите треба да решат сет од загатки за одреден временски период.


Како што можеме да приметиме, Codе Hunt те учи кодирање на уникатен начин.


Преку оваа игра се изучуваат програмските јазици Java и C#.


Оваа платформа веќе има повеќе од 1.5 милиони програми во нивната база на податоци, која поврзува одреден корисник со одредено ниво.



Robocode


Пристигнавме на претпоследната игра на нашата листа за топ 10 игри што веднаш ќе ти помогнат да ги подобриш твоите програмерски вештини, Robocode.


Програмска игра со која треба да искодираш виртуелен тенк-робот и истоит да се натпреварува против други роботи во арената за борби. За таа цел токму е избрано името Robocode (кратенка од Robot + Code).


Во оваа игра, немаш директно влијание врз исходот на битката.


Заради тоа, мораш да го ја насочиш вештачката интелигенција на роботот за да му укаже како да се однесува и како да реагира на одредени случувања на бојното поле.


За Robocode, кодот се пишува во Java или .NET.


Не е зачудувачки фактот што Robocode е користена од страна на училишта и универзитети за учење на своите студенти како да програмираат, но исто така и студирање на вештачката интелигенција.


Единствениот услов кој мора да го исплонуваш за користење на Robocode е да имаш веќе вграден JVM (Виртуалена Java машина) на којшто ќе може играта да биде инсталирана.


Освен тоа, се останато што е потребно за непрекинато движење на оваа игра е во robocode-xxx-setup.jar.


Фактот што Robocode функционира на Java, значи дека ќе работи на било кој оперативен систем со однапред инсталиран Java на него (Windows, Linux, Mac OS, итн).


Врз се ова, Robocode е игра која е бесплатна за користење и е креирана како пасира повеќе од што е за профит.


Оваа е игра е една од подобрите кога се работи за учење како да се програмира, превенствено во Java, иако C# и Scala стануваат популарни последниов период.



Untrusted


Последна игра на нашата листа е Untrusted, авантуристичка игра изградена во JavaScript. Игра со која ќе ги тестира твоите способности за решавање на едноставни и комплескни проблеми.


На почетокот на оваа игра, твојот анимиран лик е заробен со само еден компјутер и мораш со помош на код да го оформиш светот околу тебе. 


Со помош на “WASD” копчињата го поместуваш твојот лик, се додека не ти се појави полето со кодот на десната страна на екранот. Во тој момент се појавува код врз кој ти треба да внесеш дополнителен код.


Под тоа поле има повеќе корисни копчиња кои ќе ти помогнат во текот на играта.


Постои опција за ресетирање на целото ниво, но треба да се напомене дека кодот кој веќе го имаш напишано ќе биде избришан. Исто така, со “Menu” копчето можеш да отвориш нивоа кои веќе си ги поминал.


Со помош на JavaScript, насочи го твојот анимиран лик низ фазите на играта.


Не се плаши да се бидеш креативен и да експериментираш, бидејќи многу нивоа немаат само едно решение, туку повеќе.


Исто како и предходните игри на оваа листа, нивоата стануваат се повеќе комплесни како што се движиш низ играта.



Заклучок


Програмерските игри се едни од најзабавните и најинтерактивните начини како да почнеш да учиш кодирање (или да ги усовршиш веќе постоечките вештини).


Од игри повеќе насочени кон деца до оние конкретно за CSS, постојат различни игри за различни програмски јазици и намени.


Сепак, игрите имаат свој лимит. 


Не е доволно само да играш Robocode, доколку сакаш детално да научиш Java.


Затоа е потребно да нешто друго, нешто повеќе. Потребен е цел процес.


Процес во кој, со помош на експертски совет и знаење, во текот на период од 6 месеци ќе изучуваш како да станеш full-stack програмер.


Процес во кој, со помош на предавања, проекти и домашни задачи ќе ја постигнеш твојата цел.


А токму тој процес го нуди Code Academy. Од едукација до вработување. Се што треба да направиш е да се пријавиш на некој од нашите тековни академии.


За дополнителни информации, КЛИКНИ ТУКА.


Се гледаме во следната статија.